Dit is vir ons 'n voorreg om u te verwelkom by die amptelike webblad van Hoërskool Wesvalia.

Ons glo dat u die reis deur Hoërskool Wesvalia se webwerf sal geniet en op hierdie manier meer omtrent ons skool te wete sal kom.

By Hoërskool Wesvalia glo ons dat elke leerder belangrik is en daarom fokus ons op die optimale ontwikkeling van elke individu se potensiaal, vaardighede en talente.

Daar is dus 'n plek vir elke leerder in Hoërskool Wesvalia. Ons leerders gee vir mekaar en ook vir die gemeenskap, om.

Die Wessies is bekend vir die feit dat hulle saamstaan deur dik en dun.

As ons speel - speel ons hard maar as ons werk - werk ons kliphard!

Ons skoolleuse vergestalt in ons prestasies nl. WERK, WAARHEID, WYSHEID.  Ons is trots daarop om ons leerders daarop te wys dat harde WERK met WAARHEID daarby tonne WYSHEID bring vir altyd.

As die toppresterende skool in Klerksdorp vir etlike jare, doen ons steeds ons opvoedkundige doel gestand deur voortdurend onder die top drie skole in Noordwes te tel.